ನಾನೇಕೆ ಬರೆಯುತ್ತೇನೆ?

ನಾನೇಕೆ ಬರೆಯುತ್ತೇನೆ?

ನಾನು ಬರೆಯುತ್ತೇನೆ,
ಕವಿತೆ...../

ಕಾಡುವ ನೆನಪುಗಳ ಪೋಣಿಸಿ,
ಅನುಭವ ಕುಲುಮೆಯಲಿ ಹದಗೊಳಿಸಿ,
ಕನಸು-ಕಲ್ಪನೆಗಳಲಿ ಸಂಭ್ರಮಿಸಿ,
ಎದೆಯ ಗೂಡಿನಲಿ ಆರಾಧಿಸಿ,
ಭಾವಗಳನು ಭಟ್ಟಿ ಇಳಿಸಿ,
ಅಕ್ಷರಗಳಲಿ ಚಿತ್ರಿಸುತ್ತೇನೆ...../

ನೀವು ಕರೆಯುವಿರಿ ಇದನು
ಕವಿತೆ ಎಂದು,

ಪ್ರತಿ ಸಾಲುಗಳಲಿ ಇದೆ ಒಂದೊಂದು ಕಥೆ..../

ಬರೆದು ಹಗುರಾಗುತ್ತೇನೆ,
ಮತ್ತೆ ಸಿದ್ದಗೊಳ್ಳುತ್ತೇನೆ,
ಮತ್ತೊಂದು ಕವಿತೆಗೆ, ನೆನಪಿಗೆ, ಕಲ್ಪನೆಗೆ.../

ಆದರೂ ಉತ್ತರೆ ಸಿಕ್ಕಿಲ್ಲ,
ನಾನೇಕೆ ಬರೆಯುತ್ತೇನೆ..?