ನಾನೆಂಬ ಪ್ರಶ್ನೆ ?

ನಾನು ಏನು ?!
ಅನ್ನುವ ಪ್ರಶ್ನೆಗೆ,
ಉತ್ತರ ಗೋಚರಿಸುವುದು,
ನನ್ನೆದೆರು ನಿಂತಿರುವ,
ಕನ್ನಡಿಯ ಪ್ರತಿಬಿಂಬಕ್ಕೆ ಮಾತ್ರ /





"ನೀನು " ಎಂದು ,                       
ಬೆರಳು ತೋರಿಸುವ ಜನಗಳಿಗೆ,
'ನಾನು ಏನು' ಅನ್ನುವ ಪ್ರಶ್ನೆಗೆ ,
ಉತ್ತರವೇ ಇರುವುದಿಲ್ಲ/


ನಾನು ಏನೂ ಅಲ್ಲ,
ನಾನು ಯಾರೂ ಅಲ್ಲ,
ನನ್ನದೆಂದುಕೊಳ್ಳುವ ಯಾವೂದೂ ನನ್ನದಲ್ಲ,
ಈ ಸತ್ಯ ತಿಳಿದಿದ್ದರೂ,
ಜಗದ ಜಾತ್ರೆಯ ಜಂಜಾಟ ತಪ್ಪಿದ್ದಲ್ಲ,
ನಾನು , ನೀನು ಗಳ ಕದನ ನಿಲ್ಲುವುದೇ ಇಲ್ಲ /




                                                                       
 ಶ್ರೀ ಕೃಷ್ಣ ನೆನಪಾಗುತ್ತಾನೆ,

ಕೈಯಲ್ಲಿ ಭಗವದ್ಗೀತೆ ಹಿಡಿದು,
" ಪರಿವರ್ತನೆ ಪ್ರಕೃತಿ ನಿಯಮ",
ಆದುದೆಲ್ಲಾ ಒಳ್ಳೆಯದಕ್ಕಾಗಿ,
ಕನ್ನಡಿಯ ಪ್ರತಿಬಿಂಬ ಪಿಸುಗುಟ್ಟುತ್ತದೆ,
ಎಲ್ಲರೊಳಗೊಂದಾಗು ಮಂಕುತಿಮ್ಮ/