ಚುಟುಕಗಳು

ಚುಟುಕಗಳು

                                - ಲಿಂಗೇಶ್ ಹುಣಸೂರು

೦೧. ಹಾರೈಕೆ

ಹರಸುವವರು ಹಲವರಿರಲಿ ,

ಹಾರೈಕೆ ಶುಭವ ತರಲಿ ,

ಪ್ರಾರ್ಥನೆ ಫಲಿಸುವುದು ಕಾಣ

ಒಳಗಿನ ಕಣ್ತೆರೆದು ನೋಡಾ

                               

೦೨. ಬೋನಸ್ಸು

ನಮಗೆ ಕೊಡದಿದ್ದರೂ

ನೀವು ಬೋನಸ್ಸು

ಮಾಡಬೇಡಿ ಬರುವ

ಸಂಬಳದಲಿ ಮೈನಸ್ಸು

೦೩. ಹೂ ಮಾರುವ ಹುಡುಗಿ

ಮಾರು ಮಾರು

ಹೂ ಮಾರುವ

ಹುಡುಗಿಯ ಮುಡಿಯಲ್ಲಿ

ಮಲ್ಲಿಗೆ ಗಾತ್ರದ ಹೂ  ಮಾಲೆಯಿಲ್ಲ .

೪. ಕನ್ನಡಿ ಸತ್ಯ

ಅಂತರಂಗದ ಸೌಂದರ್ಯ

ಬಚ್ಚಿಟ್ಟು  , ಹೊರಗಿನ

ನಗು ಮುಖ ತೋರಿಸಿ

ಕನ್ನಡಿ ನಿಜವನ್ನು ನುಂಗಿದೆ .

೫. ಮುತ್ತು -ಮತ್ತು -ಅಪತ್ತು

ಸಾರಾಯಿಯ ಮತ್ತು

ಆರೋಗ್ಯಕ್ಕೆ ತರುವುದು ಕುತ್ತು ,

ಮಡದಿಯ ಮುತ್ತು ,

ದೂರವಾಗಿಸುವುದು ಎಲ್ಲಾ ಅಪತ್ತು.

೬. ಮಧ್ಯಮ ವರ್ಗ

ಆರಕ್ಕೇರದೆ , ಮೂರಕ್ಕಿಳಿಯದೆ

ಅರವತ್ತರ ಆಚೆಗೆ

ಕನಸು ಕಾಣೋ

ಬಹುಸಂಖ್ಯಾತರ ವರ್ಗ

೭. ಕೈ ಕೊಡು

ಕೆಲವರಿಗೆ ಸಮಯವಿಲ್ಲ

ಮನಪುರ್ತಿ ಮಾತನಾಡಲು

ಹಾಗಾಗಿ ಕೊಡುತ್ತಾರೆ

ಕೈಯನ್ನು ಬರಿ ಕುಲುಕಲು

೮. ಪ್ರೀತಿ

ಆಶಿರ್ವದಿಸಿದ

ಎರಡು ಆತ್ಮಗಳು

ಹಂಚಿಕೊಳ್ಳುವ

ಅಧ್ಬುತ ಉಡುಗೊರೆ

೯. ಬಗೆ -ನಗೆ

ಯುಗ ಯುಗ ಕಳೆದರು

ಯುಗಾದಿ  ಮಾತ್ರ ಹೊಸ ಬಗೆ ,

ತರುವುದು ಅನುದಿನ

 ಮಾಸದ ಹೊಸ ನಗೆ

೧೦. ಶಿರಸ್ತ್ರಾಣ

 ತಲೆ ಕುತ್ತಿಗೆಯ ಮೇಲಿದ್ದರೆ

ಜೀವಕ್ಕೆ ತ್ರಾಣ

ಹಾಗಿರಲು ಧರಿಸಬೇಕು ಸದಾ

ಸವಾರಿಯಲ್ಲಿ ಶಿರ ಸ್ತ್ರಾಣ.

೧೧. ವರ್ಕ್ ಲೋಡ್

ಮನೆಯಲ್ಲಿ ಗೃಹಿಣಿಯ

ಕೆಲಸದ ವರ್ಕ್ ಲೋಡು ,

ಎಂದೂ ಮುಗಿಯದ

ಧಾರಾವಾಹಿಯ ಎಪಿಸೋಡು

೧೨. ಬೆಳೆ

ರೈತ

ಬೆಳೆ (ಕೃಷಿ )ದರೆ ,

ದೇಶ

ಬೆಳೆ (ಏಳ್ಗೆ )ಯುತ್ತದೆ

೧೩. ಸಹೃದಯವಂತರು

ಉದ್ಘಾಟನೆಗೆ

ಸಾಲು  ಸಾಲು ಜನರು ,

ಮಧ್ಯ ದಲ್ಲೇ ಕಾಲ್ಕಿತ್ತರು

ಗಣ್ಯ ಮಹಾಶಯರು

ಕೊನೆಯಲ್ಲಿ  ಉಳಿದವರೇ

ಸಹೃದಯವಂತರು

                                - ಲಿಂಗೇಶ್ ಹುಣಸೂರು

*********************************