ಪ್ರೀತಿ.....ಕನಸು.....ಕನವರಿಕೆ....ಮತ್ತು ಇನ್ನು ಹಲವು........!!!

ಆತ್ಮೀಯ ಪ್ರೀತಿ ಪಾತ್ರ ಎಲ್ಲಾ  ಗೆಳೆಯರ ಬಳಗಕ್ಕೆ ಪ್ರೀತಿ ದಿನದ ಶುಭಾಷಯಗಳು.

ನಾನು ಪ್ರೀತಿಸಿದ್ದೆ................!!!

ಎಂದು ನನ್ನ ಮಡದಿಯ ಮುಂದೆ ಆತ್ಮನಿವೇದನೆ ಮಾಡಿಕೊಳ್ಳುವಾಗ ನನ್ನಲ್ಲಿ ದೀರ್ಘ ನಿಟ್ಟುಸಿರು. ಎಲ್ಲವನ್ನು ಕೇಳಿದೆ ಆಕೆ ಹೇಳಿದ್ದು. " ರೀ ನೀವು ನನಗೆ ೬ ವರ್ಷದ ಕೆಳಗೆ ಸಿಗಬೇಕಿತ್ತು. ನೀವು ಪ್ರೀತಿಸುತ್ತಿದ್ದ ಆ ಹುಡುಗಿ ಗ ಜಾಗದಲ್ಲಿ ನಾನಿರಬೇಕಿತ್ತು. ಆದರೆ ಆಕೆಯ ಹಾಗೆ ನಿಮ್ಮನ್ನ ನಾನು ಬಿಟ್ಟುಹೋಗ್ತಿರಲಿಲ್ಲ. ಎನೇ ಬಂದರು ಎದುರಿಸಿ ನಿಮ್ಮನ್ನೆ ಮದುವೆ ಆಗುತ್ತಿದ್ದೆ". ಅವಳ ಮಾತು ಕೇಳುತ್ತಿದ್ದ ಹಾಗೆ ನನ್ನ ಕಣ್ಣಂಚುಗಳು ಒದ್ದೆಯಾದವು. ಆಕೆಯ ಹಣೆಗೊಂದು ಹೂ ಮುತ್ತು ಕೋಟ್ಟೆ. ಕಣ್ಣೀರು ಕೆನ್ನೆಗಿಳಿಯುತ್ತಿತ್ತು. ಹರೆಯದ ದಿವ್ಯವಾದ ನೆನಪುಗಳು ಮೌನದ ಮೊರೆ ಹೋಗಿದ್ದವು. ಕಣ್ಣೆದುರಿಗಿನ ಪ್ರೀತಿ ಧನ್ಯತೆ ಮೆರೆದಿತ್ತು.

ಮುದ್ದಿನ ಮಡದಿಯ ವಿಶಾಲ ಮನೋಭಾವ, ಪರಸ್ಪರ ಅರ್ಥಮಾಡಿಕೊಳ್ಳುವ, ಆಗಿ ಹೋದ ಘಟನೆಗಳನ್ನು ಕ್ಷಮಿಸುವ ಉದಾರ ಮನಸ್ಸು, ಇರುವುದನ್ನು ಇರುವ ಹಾಗೆ ಒಪ್ಪಿಕೋಳ್ಳುವ ಹೃದಯ ವೈಶಾಲ್ಯ, ಮಗುವಿನ ಮುಗ್ಢತೆ, ಪ್ರೀತಿಯಲ್ಲಿನ ನಂಬಿಕೆ ಇವೆಲ್ಲವು ಗಳು ನಮ್ಮ ಒಲವನ್ನು ಗಟ್ಟಿಗೊಳಿಸಿವೆ. ನಮ್ಮ ಬದುಕಿನಲ್ಲಿ ಧನ್ಯತೆ ಮೂಡಿಸಿದೆ.


ಹರೆಯದಲ್ಲಿ ಪ್ರತಿಯೊಬ್ಬರ ಬದುಕಿನಲ್ಲಿ ಪ್ರೀತಿಯ ಸಿಹಿ ಗಾಳಿ ಬೀಸಿಯೆ ಇರುತ್ತದೆ. ಅದು ಹೃದಯದಿಂದ ಮೊಡಿದ್ದೆ ಆಗಿದ್ದರೆ ಸುಂದರ ಬದುಕಿಗೆ ಮುನ್ನುಡಿಯಾಗುತ್ತದೆ. ಕೆಲವು ವೇಳೆ ಇನ್ಪ್ಯಾಚುಯೇಶನ್, ಜಾತಿಯ ಒಳಸುಳಿ, ಪೋಷಕರ ಮೇಲಿನ ವ್ಯಾಮೋಹ , ನಮ್ಮಗಳ ಅಹಂಕಾರ ಇತ್ಯಾದಿ ಕಾರಣಗಳಿಗೆ ಬಿರುಗಾಳಿಯಾಗಿ ಪರಿವರ್ತನೆಯಾಗಿಬಿಡುತ್ತದೆ.

ನನ್ನ ಬದುಕಿನಲ್ಲಿ ಪ್ರೀತಿಯ ವಿವಿಧ ಮಜಲುಗಳನ್ನು ಅನುಭವಿಸಿದ್ದೇನೆ. ಹಲವು ಗೆಳೆಯರ ಬದುಕಿನ ಪ್ರೀತಿ ಚಿತ್ರಣಗಳನ್ನು ಕಣ್ಣಾರೆ ಕಂಡಿದ್ದೇನೆ. ಇವೆಲ್ಲದರ ಆಸರೆಯಿಂದಲೆ ಒಂದು ಕಾದಂಬರಿ ಬರೆಯಹೊರಟಿದ್ದೇನೆ. ಅದುವೇ " ಬಿಟ್ಟುಹೋದವಳಿಗೊಂದು ಥ್ಯಾಂಕ್ಸ್ ".  ಅವಳು ಬಿಟ್ಟು ಹೋಗಿದ್ದರಿಂಗಲೇ ನನಗೆ ನನ್ನ ಬದುಕಿನ ಸ್ಪೂರ್ಥಿಸೆಲೆ, ಜೀವ ಸಖಿ ಮಡದಿ ಲಕ್ಶ್ಮಿ ಸಿಕ್ಕಿದ್ದು. ಅದು ಕೂಡ ಪ್ರೀತಿಯಿಂದಲೆ ಅದಂತದ್ದು. ಬಹಶ: ಎಲ್ಲಾ ಪ್ರೀತಿಸುವ ಹುಡುಗಿ/ಹುಡುಗರು ಬಿಟ್ಟು ಹೋಗುವಾಗ " ನನಗಿಂದ ಒಳ್ಳೆಯ ಹುಡುಗ/ಹುಡುಗಿ ಸಿಗುತ್ತಾರೆ, ನನ್ನನ್ನು ಮರೆತುಬಿಡು " ಅಂತಲೇ ವಿಧಾಯದ ಬೀಳ್ಕ್ಕೊಡುಗೆ ಮಾತುಗಳನ್ನಾಡುತ್ತಾರೆ. ಬಹುಷ: ಆ ಹಾರೈಕೆ ನನ್ನ ಬದುಕಿನಲ್ಲಿ ನಿಜವಾಗಿದೆ. ಅದಕ್ಕೆ ಅವಳಿಗೆ ಥ್ಯಾಂಕ್ಸ್.


ವಿಪರ್ಯಾಸ ಎಂದರೆ ಪ್ರೀತಿಸುತ್ತಿದ್ದ ದಿನಗಳಲ್ಲಿ ಇದ್ದ ಇಲ್ಲಾ ಪಾತ್ರಗಳು ಬೆಂಗಳೂರಿನಲ್ಲಿಯೆ ನೆಲೆಸಿವೆ. ಪ್ರೀತಿಸಿದ್ದ ಹುಡುಗಿಗೆ ಮಧುವೆಯೂ ಆಗಿದೆ. ಮಕ್ಕಳೂ ಕೂಡ. ಆದರೆ ಆಕೆ ತಾನು ಪ್ರೀತಿಸಿದ್ದ ಹುಡುಗನನ್ನೆ ಅವಳ ಮಧುವೆಗೆ ಕರೆಯಲಿಲ್ಲ. ನಾನು ಕೂಡ ಅವಳು ಮಧುವೆಯಾದ ಕೆಲವೆ ದಿನಗಳಲ್ಲಿ ಸ್ಪರ್ಧೆಗೆ ಬಿದ್ದವನಂತೆ ಪ್ರೀತಿಸಿಯೆ ಮಧುವೆಯಾದೆ. ಅದು ಕೆಲವೇ ಕ್ಷಣಗಳ ಪ್ರೀತಿ, ಕೆಲವೆ ದಿನಗಳಲ್ಲಿ ಸಿಂಧು ವಾಯಿತು. ಈಗ ನನಗೆ ಇಬ್ಬರು ಮಕ್ಕಳು. ಸುಂದರ ಸಂಸಾರ. ಆದರೆ ನೆನಪುಗಳು ಸಾಗರ.

ಇನ್ನೋ ಹೇಳುವ ಭಾವಗಳು , ಆಡದ ಮಾತುಗಳು ಬಹಳಸ್ಟಿವೆ. ಬಟ್ ನಿಮಗು ಕೆಲವು ಸುಂದರ ನೆನಪುಗಳಿವೆ.ಪ್ರೀತಿಯ ಒಡನಾಟವಿದೆ. ಅವನ್ನು ಭಾವಿಸಿಕೊಳ್ಳಿ. ಮತ್ತೆ ಸಿಗುವ.

ನಿಮ್ಮ ಪ್ರೀತಿ ನಿಮ್ಮನ್ನು ಸದಾ ಸಂತಸದಿಂದಿರಿಸಲಿ.
ನಿಮ್ಮ ಒಲವು ನಗುವ ಪ್ರತಿ ದಿನವು ಪ್ರೀತಿ ದಿನವಾಗಲಿ.
ಸುಂದರ ಕ್ಷಣಗಳು ನಿಮ್ಮ ಬದುಕಿನಲ್ಲಿ ಸದಾ ತುಂಬಿರಲಿ.

ನಿಮ್ಮವ...

ಚುಕ್ಕಿ.....
ಬಿಂದುವಿನಿಂದ ಅನಂತದೆಡೆಗೆ......

ಒಲವಿನ ಯಾತ್ರೆಗೆ ಒಪ್ಪಂದವಾಗಿ ಐದು ವರ್ಷಗಳು.....

ಆತ್ಮಿಯರೆ,
ಬ್ರಹ್ಮಚರ್ಯದಿಂದ ಗೃಹಸ್ಠಾಶ್ರಮಕ್ಕೆ ಕಾಲಿರಿಸಲು, ಹೊಸಬದುಕಿಗೆ ಅಣಿಯಾಗಲು "ಒಪ್ಪಂದ ಶಾಸ್ತ್ರ" ಮಾಡಿಕೊಂಡು ಇಂದಿಗೆ ೫ ವರ್ಷಗಳು. ಈ ಐದು ವರ್ಷಗಳಲ್ಲಿ ಪ್ರಾಮಾಣಿಕ ವಾಗಿ ನನ್ನ ಮಡದಿ/ಮನದನ್ನೆ "ಲಕ್ಷ್ಮಿ" ಯನ್ನು ಪ್ರೀತಿಸಿದ್ದೇನೆ. ಸುಗುಣಶೀಲೆ ನನ್ನವಳು. ಮಲ್ಲಿಗೆ ಹೂವಿನ ಮನಸಿನಂತವಳು. ಎಲ್ಲಿ ಅತಿಯಾದ ಒಲವಿರುತ್ತದೆಯೋ ಅಲ್ಲಿ ಮುನಿಸು/ಕೋಪ/ಸಣ್ಣ ಜಗಳ ಇದ್ದೇ ಇರುತ್ತದೆ. ಅವೆಲ್ಲವನ್ನು ಮೀರಿ ಪ್ರೀತಿ ನಮ್ಮ ಕೈ ಹಿಡಿದು ಈ ೫ ವರ್ಷಗಳು  ನಡೆಸಿದೆ. ಮುಂದೆಯೂ ಕೂಡ. ಜೊತೆಗೆ ಮಗ ಹಿಮಘನ ತೇಜಸ್ಸ್ ಮತ್ತು ಇನ್ನೂ ಹೆಸರಿಡದ ನನ್ನ ಎರಡನೆ ಕನಸು/ಹಸುಗೂಸು, ಚಂದದ ಬಂಧು ಬಳಗ, ಅಪಾರ ಮಿತ್ರ ವರ್ಗ, ಸಾಹಿತ್ಯ ಪ್ರೀತಿ ಇವೆಲ್ಲದರ ಜೊತೆಗೆ ನನ್ನ ಬದುಕಿನ ರಥ ಮುಂದೆ ಸಾಗುತ್ತಿದೆ.


ಅಂದು ನನ್ನ ಬದುಕಿನ ಅಂಗಳಕ್ಕೆಕಾಲಿರಿಸಿದ ಹುಡುಗೆ, ಇಂದು ನನ್ನ ಮನೆ-ಮನದ ಬೆಳಕಾಗಿ, ಬದುಕನ್ನು ಸುಂದರಗೋಳಿಸಿದ್ದಾಳೆ. ನನ್ನ ಬದುಕು ಆಕೆಯಿಂದ ಪರಿಪೂರ್ಣ.

ನನ್ನ ಕನಸುಗಳೆಲ್ಲಾ ಕೈಗೂಡುವ ಯಾತ್ರೆಯಲಿ ಸಿದ್ದಿಸುವ ಧನ್ಯತೆಯೂ ನನ್ನಾಕೆ.

ನಮ್ಮ ಒಲವಿಗೆ ನಿಮ್ಮ ಆಶಿರ್ವಾದ ಶ್ರೀರಕ್ಷೆಯಿರಲಿ ಮತ್ತು ನಿಮ್ಮಗಳ ಪ್ರೀತಿಯಿರಲಿ.

ನಿಮ್ಮವ

ಚುಕ್ಕಿ...........

ಹೊಸ ವರ್ಷದ ಶುಭಾಷಯಗಳು

ಡಿಯರೆಸ್ಟ್/ಆತ್ಮೀಯ/ಅಭಿಮಾನದ /ಅಕ್ಕರೆಯ ಗೆಳೆಯರೆ, ತಮ್ಮೆಲ್ಲರಿಗು ಹೊಸ ವರ್ಷದ ಶುಭಾಷಯಗಳು.

ತಮ್ಮೆಲ್ಲರ ಬದುಕಿನಲ್ಲಿ ಸಂತಸ,ಸಮೃದ್ದಿ,ಸೌಖ್ಯ,ನೆಮ್ಮದಿ, ಅಭಿವೃದ್ದಿ ನೆಲೆಯೂರಲಿ. 
ಹೊಸ ಕನಸುಗಳು ಅರಳಲಿ.
ಗೆಳೆತನ ಚಿಗುರೊಡೆಯಲಿ.
ಗೆಲುವು ನಿಮಗೊಲಿಯಲಿ.
ನೀವು ಇಡುವ ಪ್ರತಿ ಹೆಜ್ಜೆಯೂ ಸಾಧನೆಯಾಗಲಿ.

ಹೀಗೆ ಪ್ರತಿ ಕ್ಷಣವೂ ಹೊಸ ವರ್ಷದ ಹೊಸ ದಿನಗಳಲ್ಲಿ ನಿಮಗಾಗಿ ಪ್ರಾರ್ಥಿಸುತ್ತೇನೆ.


ಅಪಾರ ಪ್ರೀತಿಯಿಂದ ನಿಮ್ಮವ,

ಲಿಂಗೇಶ್ ಹುಣಸೂರು (ಚುಕ್ಕಿ)
ಬಿಂದುವಿನಿಂದ ಅನಂತದೆಡೆಗೆ..............

ಕಾಣದ ಕಡಲಿಗೆ ಹಂಬಲಿಸಿದೆ ಮನ...... ನೆಚ್ಚಿನ ಕವಿ ಜಿ.ಎಸ್. ಶಿವರುದ್ರಪ್ಪನವರಿಗೆ ಶ್ರದ್ದಾಂಜಲಿ

ನೆಚ್ಚಿನ ಕವಿ ಜಿ.ಎಸ್. ಶಿವರುದ್ರಪ್ಪನವರ ಭಾವಗೀತೆಗಳು ಬೆಳಗ್ಗಿನಿಂದಲೂ ಮನದಲ್ಲಿ ಜಿನುಗುಡುತ್ತಿವೆ.  

ಮೈಸೂರಿನ ಮಹಾರಾಜ ಕಾಲೇಜಿನ ಅಂಗಳದಲ್ಲಿ ಸಾಹಿತ್ಯದ ಕಂಪಿದೆ. ಕನ್ನಡ ನಾಡಿನ ಹಲವಾರು ಸಾಹಿತ್ಯ ಬ್ರಹ್ಮರು ಓದಿದ, ಅಧ್ಯಾಪಕರಾಗಿದ್ದ ಕಾಲೇಜು ಅದು. ಸಾಹಿತ್ಯ-ಸಂಸ್ಕೃತಿ-ಕಲೆ ಗಳು ಮೇಳೈಸುವ ಸಕಲ ಕಲಾ ವಲ್ಲಭರು ಇರುವಂತಹ ನೆಲೆ ಅದು. ಅಂತಹ ಕಾಲೇಜಿನಲ್ಲಿ ವ್ಯಾಸಂಗ ಮಾಡಿದ ಭಾಗ್ಯ ನನ್ನದು. ಹಾಗಾಗಿಯೆ ನನ್ನ ಭಾವಲೋಕದ ಜೊತೆಗೆ ಸಾಹಿತ್ಯದ ನಂಟು ಅವಿನಾಭವವಾಗಿದೆ.

ಮಹಾರಾಜ ಕಾಲೇಜಿನಲ್ಲಿ ವ್ಯಾಸಂಗ ಮಾಡುವಾಗಿ ನಾನು ನನ್ನ ಗೆಳೆಯ ದೇವರಾಜು ಕಪ್ಪಸೋಗೆ (ಚಾಮರಾಜನಗರ ಜಿಲ್ಲೆ ಕನ್ನಡಪ್ರಭದಲ್ಲಿ ಈಗ ವೃತ್ತಿ) ಯ ಅಭಿಲಾಷೆಯ ಮೇರೆಗೆ ಜೆ.ಎಸ್.ಎಸ್ ಆಸ್ಪತ್ರೆ ಬಳಿ ಅಗ್ರಹಾರ ದಲ್ಲಿ , ೮ ನೇ ಕ್ರಾಸ್ ನಲ್ಲಿ ೧೦*೧೦ ಅಳತೆಯ ರೂಂ ನಲ್ಲಿ ಬಾಡಿಗೆ ಯಲ್ಲಿದ್ದೆ. ಮನೆಯ ಮುಂದೆ ವಿಶಾಲವಾದ ಜಾಗ. " ಕನಸು" ಅಂತ ಆ ಗೂಡಿಗೆ ಹೆಸರಿಟ್ಟಿದ್ದೆ. ತದನಂತರ ಆ ಗೂಡಿಗೆ ರಾಘವೇಂದ್ರ (ಕನ್ನಡ ಕಿರುತೆರೆಯ ರಿಯಾಲಿಟಿ ಶೋ ಗಳ ರೂವಾರಿ) ಎಂಬ ನನ್ನ ಊರಿನ ದೋಸ್ತಿ, ಹೈಸ್ಕೂಲ್ ನಲ್ಲಿ, ಪಿ.ಯು.ಸಿ ಯಲ್ಲಿ ನನ್ನ ಜೂನಿಯರ್, ಹೃದಯದ ಗೆಳೆಯ ಬಂದು ಸೇರಿಕೊಂಡ. ಅಲ್ಲಿಂದಾಚೆಗೆ ನಮ್ಮ ಪಯಣ ಭಾವಗೀತೆಗಳೋಂದಿಗೆ ಸಾಗಿತು.  ನಾವು ಬಹುತೇಕ ಇಸ್ಟಪಡುತ್ತಿದ್ದ, ಆಗಾಗ್ಗೆ ಜಿನುಗುಡುತ್ತಿದ್ದ ಹಾಡುಗಳು, ಜಿ.ಎಸ್.ಎಸ್ ರದ್ದಾಗಿತ್ತು. ಕಾಣದ ಕಡಲಿಗೆ ನಮ್ಮ ಮನ ಹಂಬಲಿಸುತ್ತಿತ್ತು. ಆದರೂ ಹಣತೆ ಹಚ್ಚಬೇಕು

ಅನಿಸುತ್ತಿತ್ತು. ಯಾರು ಕೇಳದಿದ್ದರೂ ಎದೆ ತುಂಬಿ ಹಾಡಬೇಕು ಅನಿಸುತ್ತಿತ್ತು.ಹಾಡು ಹಳೆಯದಾದರೇನು ಭಾವ ನವನವೀನ ಅನಿಸುತ್ತಿತ್ತು. ಅನಿಸುತ್ತಿದ್ದ ಭಾವಗಳಿಗೆ ಜಿ.ಎಸ್. ಎಸ್. ತಮ್ಮ ಭಾವಗೀತೆಗಳ ಮೂಲಕ ರೂಪ ಕೊಟ್ಟಿದ್ದರು. ಅವೇ ನಮ್ಮ ಏಕಾಂತದ  ಸಂಗಾತಿಗಳು. ಸಂಜೆಯ ನಡಿಗೆಯ ಸಾಥಿಗಳು. ರಾತ್ರಿ ಕನಸುಗಳಿಗೆ ಕಾಡುವ ಭಾವಗಳು. ಆಗಿನ ದಿನಗಳಲ್ಲಿ ತಂತ್ರಜ್ಣಾನ ಅಸ್ಟೊಂದು ಮುಂದುವರೆದಿರಲ್ಲಿಲ್ಲ. ವಾಲ್ಕ್ ಮನ್ ಮಾತ್ರ ನಮ್ಮ ಬಳಿಯಿತ್ತು. ಹೊಸ ಭಾವಗೀತೆಯ ಕ್ಯಾಸೆಟ್ ತಂದರೆ ಆ ದಿನ ನಮಗೆ ಸಂಭ್ರಮ ನಾನು , ರಾಘು ಸ್ಪರ್ದೆಯ ಮೇಲೆ ಹಾಡುಗಳನ್ನು ಕೇಳುತ್ತಿದ್ದೇವು. ಈಗ ಎಲ್ಲಾ ಬದಲಾಗಿದೆ. ನಾವು ದೊಡ್ದವರಾಗಿದ್ದೇವೆ. ಅವೇ ಸಾಲುಗಳು ಮನದಲ್ಲಿ ಜಿನುಗುಡುತ್ತಿವೆ. ರಾಘು ದೊಡ್ದ ಹೆಸರು ಮಾಡಿದ್ದಾನೆ. ಜಿ.ಎಸ್.ಎಸ್. ಅಗಲಿದ್ದಾರೆ. ಮನದಲ್ಲಿ ಶೂನ್ಯ ಭಾವ. ಕಾಣದ ಕಡಲು ಕಾಡುತ್ತಿದೆ.

ಅವರ ಪ್ರತಿಯೊಂದು ಕವಿತೆಗಳು ಜೀವನ ಸ್ಪೂರ್ತಿ-ಪ್ರೀತಿಯನ್ನು ಒಳಗೊಂಡಿವೆ. ಅವಲ್ಲಾ ಎಂದೂ ಹಳೆಯದಾಗದ ಹಾಡುಗಳು, ಮತ್ತೆ ಮತ್ತೆ ಕೇಳಬೇಕಿನಿಸುವ ನವನವೀನ ಭಾವಗಳು. ಅವರ ಆತ್ಮಕ್ಕೆ ನನ್ನ ಶ್ರದ್ದಾಂಜಲಿ.

ನನಗೆ ಮೈಸೂರು ವಿಶ್ವವಿದ್ಯಾನಿಲಯ ಸ್ನಾತಕೋತ್ತರ ಅರ್ಥಶಾಸ್ತ್ರದಲ್ಲಿ ೦೨ ಚಿನ್ನದ ಪದಕಗಳನ್ನು ನೀಡಿದೆ. ಆ ಘಟಿಕೋತ್ಸವದ ಮುಖ್ಯ ಅಥಿತಿಯಾಗಿ ಜಿ.ಎಸ್. ಎಸ್ ಬಂದಿದ್ದರು. ಅವರ ಸಮ್ಮುಖದಲ್ಲಿ ಚಿನ್ನದ ಪದಕಳನ್ನು ಪಡೆದೆ. ಇದು ನನ್ನ ಬದುಕಿನಲ್ಲಿ ಮರೆಯಲಾಗದ ಅವಿಸ್ಮರಣೀಯ ಘಟನೆ.

ಜಿ.ಎಸ್.ಎಸ್ ರವರ ಹಣತೆ ಹಚ್ಚುತ್ತೇನೆ ಎಂಬ ಕವಿತೆಯ ಸ್ಪೂರ್ತಿಯಿಂದ ನನ್ನಲ್ಲಿ ಈ ಕವಿತೆ ಮೂಡಿದೆ. ಅವರ ಅಗಲಿಕೆಯ ಈ ಸಂದರ್ಭದಲ್ಲಿ ಈ ಕವಿತೆಯನ್ನು ಶ್ರದ್ದಾಂಜಲಿಯಾಗಿ ಸಮರ್ಪಿಸುತ್ತಿದ್ದೇನೆ.

ಆದರೂ ಹಣತೆ ಹಚ್ಚಬೇಕು,
ಏನಾದರೂ ಆಗಲಿ,
ಬೆಳಕ ಬೀಜ ಬಿತ್ತಬೇಕು,
ಜ್ಣಾನ ಫಸಲು ಬೆಳೆಯಬೇಕು//

ಎಲ್ಲಾ ಮನಸ್ಸುಗಳು ಬೆತ್ತಲಾಗಬೇಕು,
ನಟನೆಯ ಮುಖವಾಡಗಳು ಕಳಚಬೇಕು,
ನಿಜವು ಸಂಚುಗಳ ಗೆಲ್ಲಬೇಕು,
ನ್ಯಾಯ ಉಳಿಯಬೇಕು,ಮಾನವಿಯತೆ ಮೆರೆಯಬೇಕು/
ಆದರೂ ಹಣತೆ ಹಚ್ಚಬೇಕು,
ಏನಾದರೂ ಆಗಲಿ,
ಬೆಳಕ ಬೀಜ ಬಿತ್ತಬೇಕು,
ಜ್ಣಾನ ಫಸಲು ಬೆಳೆಯಬೇಕು//

ಅಜ್ಣ್ನಾನದ ಕತ್ತಲೆ ಸರಿಯಬೇಕು,
ಜಾಗೃತಿಯ ಪ್ರಜ್ಣೆ ಅರಳಬೇಕು,
ಎಲ್ಲರ ಕನಸುಗಳು ನನಸಾಗಬೇಕು,
ಸ್ವಾರ್ಥಗಳು ಅಳಿಯಬೇಕು, ಸಂಸ್ಕೃತಿ ಮೆರೆಯಬೇಕು/
ಆದರೂ ಹಣತೆ ಹಚ್ಚಬೇಕು,
ಏನಾದರೂ ಆಗಲಿ,
ಬೆಳಕ ಬೀಜ ಬಿತ್ತಬೇಕು,
ಜ್ಣಾನ ಫಸಲು ಬೆಳೆಯಬೇಕು//

ನನ್ನ ಮನಸ್ಸಿನ ಪುಟಗಳು

ಹಾಯ್ ಪ್ರೆಂಡ್ಸ್ , ಶರಣು ಶರಣಾರ್ಥಿ,

ಫೇಸ್ ಬುಕ್ ನ ಅತಿಯಾದ ಅವಲಂಬನೆಯಿಂದಾಗಿ ನನ್ನ ಅಂತರ್ಜಾಲ ಗೆಳೆತನ ದ ಪಯಣದ ಮೊದಲ ಮನೆ ಆರ್ಕುಟ್ ಗೆ ಬರುವುದು ಇತ್ತೀಚೆಗೆ ಬರುವುದು ಬಹಳ ವಿರಳವಾಗಿದೆ. ಆರ್ಕುಟ್ ಕೂಡ ನವೀನ ತಂತ್ರಜ್ಣಾನದ ಪ್ರಯೋಗಶೀಲತೆ ಇಂದಾಗಿ ಬಹಳ ಸೊಗಸಾಗಿದೆ. ಹಾಗಾಗಿ ಇಲ್ಲಿಗೆ ಬರುತ್ತಿರಲೆಬೇಕು ಎಂಬ ಮನಸ್ಸಾಗಿದೆ.

ಸುಮಾರು 2007 ನೆ ವರ್ಷದಿಂದ ನಾನು ಆರ್ಕುಟ್ / ಅಂತರ್ಜಾಲ ವೆಬ್ ತಾಣ/ಬ್ಲಾಗ್ ಗಳಲ್ಲಿ ಸಕ್ರೀಯ ವಾಗಿ ನನ್ನ ಭಾವ ಲಹರಿ/ಚಿಂತನೆ/ಕನಸುಗಳನ್ನು ನಿಮ್ಮೊಟ್ಟಿಗೆ ಹಂಚಿಕೊಂಡು ಬರುತ್ತಿದ್ದೇನೆ. ಇತ್ತೀಚೆಗೆ ನನ್ನ ಮನಸ್ಸಿಗೆ ಬಂದ ಯೊಚನೆಯನ್ನು ನಿಮ್ಮ ಮುಂದಿಡುತ್ತಿದ್ದೇನೆ , ಅದು ಕೂಡ ನಿಮ್ಮ ಸಹಕಾರದಿಂದಲೆ ಆಗಬೇಕಾದ ಕೆಲಸ. ಏನಂತೀರಾ ?

ಅಸ್ಟು ವರ್ಶಗಳಿಂದ ನಾನು ಬರೆದ /ಕಳುಹಿಸಿದ ಸಂದೇಶ/ಸ್ಕ್ರಾಪ್ಸ್/ಹಿತನುಡಿ/ಮನಸ್ಸಿನ ಮಾತು ಗಳನ್ನೆಲ್ಲಾ ಒಂದೆಡೆ ಸೇರಿಸಿ ಪುಸ್ತಕ ರೂಪದಲ್ಲಿ ಪ್ರಕಟಿಸಬೇಕೆಂಬುದು ನನ್ನ ಚಿಂತನೆ. ನನ್ನ ಹಲವಾರು ಬರಹ/ಸಂದೇಶ ಗಳನ್ನು ನನ್ನ ಹಲವು ಸ್ನೇಹಿತರು ತಮ್ಮ ಪ್ರೊಪೈಲ್ ನಲ್ಲಿ, ಅವರ ಹೆಸರ ಮುಂದಿನ ಕ್ಯಾಪ್ಶನ್ ನಲ್ಲಿ ಈಗಲು ಬರೆದುಕೊಂಡಿರುವುದು ಸುಳ್ಳಳ್ಳ. ಅಂತಹ ಗೆಳೆಯರಿಗೆ ನಾನು ಹೇಳ ಬಯಸುವುದು," ನನ್ನ ವಾಕ್ಯಗಳನ್ನು ನೀವು ಬಳಸಿಕೊಳ್ಳಿ. ಅದು ತಪ್ಪಲ್ಲ,ನಾನು ನಿಮ್ಮವನು, ನನ್ನ ಆಲೋಚನೆ/ಭಾವನೆಗಳ ಜೊತೆಗಾರರು ನೀವು. ಆದರೆ ಅದಕ್ಕೂ ಮುಂಚೆ ನೈತಿಕವಾಗಿ ನನ್ನ ಬಳಿ ಆ ಬಗ್ಗೆ ಹೇಳಿ, ನಾನು ಬೇಡ ಎನ್ನುವುದಿಲ್ಲ."

ಒಕೆ...ಈಗ ಹೇಳಿ ನನ್ನ ಈ ಆಲೋಚನೆಗೆ ನೀವು ಸಾಥ್ ಕೊಡುವುದಾದರೆ, ಶೀಘ್ರದಲ್ಲೆ ನನ್ನ ಮನಸ್ಸಿನ ಪುಟಗಳು ನಿಮ್ಮ ಕೈ ಸೇರಲಿದೆ.

ನಿಮ್ಮವ,

ಲಿಂಗೇಶ್ ಹುಣಸೂರು,
E-mail me@: lingeshkc9@gmail.com, lingesh_dhanya@yahoo.co.in

ನಾನೇಕೆ ಬರೆಯುತ್ತೇನೆ?

ನಾನೇಕೆ ಬರೆಯುತ್ತೇನೆ?

ನಾನು ಬರೆಯುತ್ತೇನೆ,
ಕವಿತೆ...../

ಕಾಡುವ ನೆನಪುಗಳ ಪೋಣಿಸಿ,
ಅನುಭವ ಕುಲುಮೆಯಲಿ ಹದಗೊಳಿಸಿ,
ಕನಸು-ಕಲ್ಪನೆಗಳಲಿ ಸಂಭ್ರಮಿಸಿ,
ಎದೆಯ ಗೂಡಿನಲಿ ಆರಾಧಿಸಿ,
ಭಾವಗಳನು ಭಟ್ಟಿ ಇಳಿಸಿ,
ಅಕ್ಷರಗಳಲಿ ಚಿತ್ರಿಸುತ್ತೇನೆ...../

ನೀವು ಕರೆಯುವಿರಿ ಇದನು
ಕವಿತೆ ಎಂದು,

ಪ್ರತಿ ಸಾಲುಗಳಲಿ ಇದೆ ಒಂದೊಂದು ಕಥೆ..../

ಬರೆದು ಹಗುರಾಗುತ್ತೇನೆ,
ಮತ್ತೆ ಸಿದ್ದಗೊಳ್ಳುತ್ತೇನೆ,
ಮತ್ತೊಂದು ಕವಿತೆಗೆ, ನೆನಪಿಗೆ, ಕಲ್ಪನೆಗೆ.../

ಆದರೂ ಉತ್ತರೆ ಸಿಕ್ಕಿಲ್ಲ,
ನಾನೇಕೆ ಬರೆಯುತ್ತೇನೆ..?

ನಾನೇಕೆ ಬರೆಯುತ್ತೇನೆ?

"ನಮಸ್ಕಾರ ಕರುನಾಡಿಗೆ

ನಾನೇಕೆ ಬರೆಯುತ್ತೇನೆ?

ಗೆಳೆಯರೊಬ್ಬರು ಕರೆ ಮಾಡಿ ಹೇಳಿದರು. ಬ್ಲಾಗ್ ನಲ್ಲಿ ನಿಮ್ಮ ಕವಿತೆ ಓದಿದೆ. ಬಹಳ ಖುಷಿಯಾಯಿತು. ಹೀಗೆ ಬರೆಯುತ್ತಿರಿ ಮತ್ತು ಪತ್ರಿಕೆ, ಮ್ಯೆಗಾಜಿನ್ ಗಳೀಗೂ ಕಳುಹಿಸಿ ಅಂತ. ನಿಮ್ಮ ಅಭಿಮಾನಕ್ಕೆ , ಅಕ್ಕರೆಗೆ ಥ್ಯಾಂಕ್ಸ್ ಅಂದೆ.

ತಕ್ಷಣ ನೆನಪಾದದ್ದು ಅಂತರ್ಜಾಲದ ಅನೇಕ ಕವಿ ಮನಸ್ಸುಗಳು. ಮೆಚ್ಚುಗೆ,ಪ್ರತಿಕ್ರಿಯೆ, ವಿಮರ್ಶಿಸುವ ಅನೇಕ ಗೆಳೆಯರು. ನಿಮ್ಮೆಲ್ಲರಿಗು ನನ್ನ ಬಿಗ್ ಥ್ಯಾಂಕ್ಸ್.

ತದನಂತರ ನನಗೆ ಕಾಡಿದ ಪ್ರಶ್ನೆ...ನಾನೇಕೆ ಬರೆಯುತ್ತೇನೆ?

ಉತ್ತರ ಹುಡುಕಿದಾಗ ಮನದಲ್ಲಿ ದಿವ್ಯ ಮೌನ...

ನಿಮ್ಮಿಂದ ಸಿಗಬಹುದೇ ನನ್ನ ಮನದ ಪ್ರಶ್ನೆಗೆ ಉತ್ತರ...

ಶುಭ ದಿನ.

ನಿಮ್ಮವ,

ಚುಕ್ಕಿ